حوار منتدى الحضري مع الحضري

1س : الآن بعد اللعب مع الاسماعيلي لو اتت لك الفرصة للانتقال للأهلي مرة اخرى هل ستسعد بهذا ؟



ج : كنت عايز ارجع للأهلي وعملت كذا محاولة لكن دلوقتي انا مستريح جدا مع الاسماعيلي الحمدلله .






2س : مين الناس اللي في قلب عصام الحضري ؟




ج : مقدرش اقول حد معين لان أي حد بيحبني وبيقف جمبي وبيساعدني بيقبى في قلبي .






3س : من المثل الاعلى للحضري ومن من تعلم الحضري ؟




ج : أي حد بيلعب حلو بتعلم منه حتى لو كان اصغر مني .






4س : هل بتؤيد فكرة منتخب مصري لكرة القدم للسيدات ؟




ج : هي فكرة حلوة واطبقت في بلاد كتير .






5س : هل من الممكن ان تلعب إحدى بناتك في فرق لكرة القدم ؟




ج : ما فيش واحدة من بناتي ممكن تلعب كورة .






6س : ماذا تقول لمنتخب الشباب ؟




ج : ربنا معاكم وهي بطولة صعبة بس في ايديكم اجتهدوا واعملوا اللي عليكم وتوكلوا على ربنا .






7س : ماذا تقول لـــ




· مدام صابرين : ربنا يخليكي ليا وللولاد .




· والديك : انا من غير دعواتكم ولا حاجة .




· هدى : شكرا ليكي جدا لأنك بتتعبي معايا جدا .




· كابتن احمد سليمان : شكرا جدا ليك لأنك تعبت وبتتعب معايا كتير .




· جمهور الاهلي : انا مش عايز حد يزعل مني والايام بتبين كل حاجة .




· عمرو اديب : انت أسأت لنفسك قبل ما تسيء لحد .




· احمد shiko ( اللي اهداك المنتدى ) : شكرا جدا ليك لأنك عملت المنتدى اللي وصل ناس كتير ليا من غير المنتدى مكنوش وصلولي .






8س : هل حقيقي انك قمت برفع دعوات قضائية ضدد مانويل جوزيه ؟




ج : فعلا ده حقيقي وهما قضيتين واحدة سب وقذف والتانية تعويض وده لاني بسمح لأي حد يقول رأيه فيا مهما كان كا لاعب لكن مبسمحش لأي حد انه يسيء ليا كا شخص .






9س : كنت ضيفاً في برنامج حق الرد ووجهت كلمه لجوزيه ظنوا المسيحين انك ضددهم . ما هو تعليقك ؟




ج : انا كان كلامي متوجه بشخص معين واحنا اصلا منعرفش جوزيه ملته ايه .






10س : هل صحيح انك قمت برفض عروض اجنبية وفضلت الاسماعيلي ؟




ج : ده صحيح عشان كانوا اندية مستواها ضعيف وانا مش عايز اعمل زي ما عملت مع سيون اتعب واشقى واوصلهم وبعدين امشي واسيبهم انا عايز العب وانا مستريح ومش حاسس ان عليا مسؤولية الفريق كله واشيل ذنب ضعف الدفاع .






11س : هناك بعض الرجال يحبون الطبخ ويهون دخول المطبخ . هل حضرتك منهم ام لا ؟




ج : ههههههههههههههههههه




لا انا ممكن اعمل بيض احمر بطاطس اعمل مكرونة لكن ادخل ألخبط لا .






12س : هل قرار اعتزالك بعد المونديال قرار نهائي ؟




ج : ايوة لاتي الحمدلله حققت كذا بطولة وكذا لقب نفسي اختمهم بالمونديال وبعدين انا هلعب ايه اجمد من المونديال هي اقوى حاجة .






13س : ولو قدر الله ولم نتاهل للمونديال ؟




ج : محدش عارف بكرة في ايه بس انا عايز ادي فرصة لحد تاني يثبت نفسه في المنتخب .






14س : ومن ترشح ليكون بديلاً لك بعد اعتزالك ؟




ج : في كتير كويسين ومش عايز اخص حد بالذكر .






15س : من المهاجمين الاقوياء من وجهة نظر الحضري ؟




ج : انا بحترم كل الناس لاني ممكن اكون عامل حساب لحد وحد تاني هو اللي يجيب جوان .






16س : أكدت الاحصائيات انك افضل حارس في تاريخ النادي الاهلي ولكن بالرغم من ذلك رفض النادي عودتك . بماذا تفسر ذلك ؟




ج : بيقولوا عشان المبادئ وعموما هي وجهة نظر .






17س : هل تفضل عودة ابراهيم سعيد الى صفوف الاسماعيلي ويكون أحد عناصر الدفاع الذين يقفون امامك ؟




ج : انا اتمنى لكن هي مشكلة مع الادارة .






18س : هل تتمنى ان يصبح يا سين ابنك لاعب كرة ؟




ج : انا اتمنى لكن المناخ ميشجعش .






19س : بعد أداء اكثر من رائع امام البرازيل وفوز على ايطاليا ماهو سبب الهزيمة امام امريكا في كأس القارات ؟




ج : اجهاد وكنا تعبنا جدا ده غير ان في لاعبين كتير كانوا مصابين .






20س : هل ترى ان قرار عمرو زكي بالأستمرار مع الزمالك قرار صحيح ؟




ج : عمرو لاعب ممتاز وهو ادرى بظروفه وده قراره لوحده .






21س : بعد انتقالك الى سيون اثير كلام عن التيشيرت واعلان الخمور ما تعليقك ؟




ج : انا متعاقد مع نادي ماليش دعوة بالتيشيرت وانا اصلا معرفتش انه اعلان خمرة غير بعد خمس ست متشة ومعرفتش اصلا نوع التي شيرت وهو تبع أي شركة لاني مش بهتم غير بالتمرين والاداء في الملعب واللي اتقال ده كان عشان عايزين يكلموا كتير على الحضري ده حتى قالوا اني عملت اعلان للخمرة في التلفزيون .






22س : ما تعليقك على موضوع الحضري والراقصة ؟




ج : انا كنت في حفلة عادية وبعدين الناس ما لهاش غير ادائي في الملعب لكن حياتي الخاصة لا .






23س : مارايك في برامج المقالب مثل ( حيلهم بينهم ) و ( بركات ملك الحركات ) ؟




ج : برامج حلوة وطالما ما فيهاش تطاول مش مشكلة وانا كنت ضيف في حيلهم بينهم من فترة لكن بالرغم من اني انا وبركات صحاب انا مشفتش برنامج بركات ولو كان اتعرض عليا كنت رفضت بأدب لاني طلعت في برنامجين في رمضان وانا مش بحب اطلع في برامج كتير .






24س : ماذا يحتاج المنتخب ليصل للمونديال ؟




ج : محتاج ترابط بينا وبين بعض وإحنا إن شاء الله هنوصل لان الجمهور متشائم وأنا بتفائل بتشاؤم الجمهور .






25س : ما تعليقك على ما حدث من بعض الجماهير في مباراة مصر والكونغو ؟




ج : انا مش بحب اتكلم في اللي فات خلاص اللي فات مات .






26س : بمناسبة مرور سنة على افتتاح المنتدى الرسمي لك ماذا تقول للأعضاء والإدارة ؟




ج : شكرا جدا لان المنتدى ده قرب ناس كتير ليا وانا مش بزعل من أي حاجة تتقال فيه سواء إشادة بيا أو إساءة ليا لأني عارف إنها طالعة من ناس بتحبني وكل سنة وانتم طيبين .








وفي النهاية اتقدم بخالص الشكر للكابتن عصام الحضري الذي اتاح لي فرصة مقابلته واجراء هذا الحوار معه وسمح لي بأخذ بعض الملعومات التي تهم جميع من يحبه .