لرومانسين فقط قصه جمييييييله(الحلقة الثالثة)

سامي صحي الصبح بيفكر في الموقف اللي حصل قال لنفسه انا شكلي زودتها معاها اوي وكمان البنات اكتر كلمه بتكرهها ان حد يقولها انها وحشه علي العكس دي جميله جدا
لازم اروح النهارده اروح اعتذرلها

نور لما صحت من النوم غسلت وشها ولبست ووقفت ادام المرايه وفكرت في موقف سامي وقالت مكانش لازم ازودها معاه للدرجه دي
بس هو عصبني اوي
ركبت نور العربيه وعدت علي اسماء وخدتها في طريقها وراحو الكليه
نزلت نور من العربيه ولقت سامي ادامها

سامي..انا اسف يانور علي اللي انا عملته مكانش ينفع اقولك الكلام دا

نور..ماشي ياسامي

سامي..ماشي بس كدا ...... شكلك لسه زعلانه

نور..لا عادي محصلش حاجه

سامي لا حاسس ان انت زعلانه لو مش زعلانه بجد تقبلي عزومتي علي اي حاجه تطلبيها

نور..اوك ماشي

اسماء ..ياسيدي ياسيدي ايه الكرم دا كله

سامي..ازيك يااسماء اخبارك ايه

اسماء اانا الحمد لله

سامي..ماتيجي معانا

اسماء..لا ياعم انا هروح لمحمد عشان اخد منو كشكول المحاضرات عشان مجابهوش لحد دلوقت

سامي اوك يلا يانور

نور..يلا بينا

وراحو السنتر

نور اللي بدات الحوار

نور..انا علي فكرا انا كمان كنت عايزه اعتذرلك عشان اللي انا عملته

سامي..يعني انت مش زعلانه مني

نور..تؤ

سامي في عقله طب ماكنت تقولي كنا وفرنا حق العزومه دي

سامي.. تشربي ايه (يارب ماتطلب حاجه غاليه(

نور..اللي انت هتجيبوا هاتلي زيو

سامي..اوك (طب كويس هتوفر)انا هجيب لمون هجبلك معايا

نور اوك

راح سامي طلب لمون وجه

سامي..ممكن اسالك سؤال

نور..ايه

سامي..هو انت ليه مادتنيش المذكره وادتيها لاسماء عشان تديهاني

نور.. ...........مش عارفه

سامي..انا علي فكرا مكنتش اقصد كلمه من اللي قلتهالك
انت علي فكرا من اجمل البنات اللي شفتها عنيه

نور..يابكااش مش للدرجه دي

سامي..طب بصي في المرايا هتلاقي المرايه بتقولك انك احلي بنت وقفت ادامها

نور بقي مكسوفه من الكلام دا

سامي..انا علي فكرا انا معرفش حاجه عنك ممكن تحكيلي عن نور شويه

نور..انا نور بنت رجل الاعمال عمرو حسن اكيد انت عارفه

سامي..اشهر من نار علي علم

نور..ودخلت كليه تجاره بناء علي رغبه بابا عشان امسك في شركه من شركاته
معنديش اخوات صبيان وليا اخت بنت واحده صغنونه

سامي ربنا يخليهالك

نور..احكيلي عن نفسك شويه ياسامي انت كمان

سامي..انا سامي ابراهيم محمد الكناني عايش وحيد وعندي عشرين سنه

نور..استني استني ازاي ؟انت المفروض تبقي ادي 18سنه

سامي..ماهو انا حصلت معايا ظروف كدا خلتني اتاخر في الدراسه

نور..ظروف ايه

سامي..انا اسف مش هقدر اقولك (هتعرفو بعد كدا ايه هي الظروف)

نور..مش احنا بقينا اصحاب

سامي..سوري يانور مش هقدر اقولك

نور..طب انت عايش لوحدك ليه ........مش عايش مع اهلك ليه ولا هما في مكان تاني

سامي مرداش يجاوبها وكان باين عليه انو حزين اوي ونور لاحظت دا عليه

نور..ايه ياسامي في ايه

سامي..يلا نقوم عشان نحضر المحاضره

نور حست انو بيتهرب من الموضوع

نور..اوك يلا

راحو المدرج وحضروا المحاضره بس سامي فضل انو يعد بعيد عنهم واول ما المحاضره خلصت كان هو اول واحد خرج
ونور كانت عايزه تلحقه بس مالحقتوش وشافتو وهو خارج برا الكليه

اسماء ..يلا يابنتي عشان نروح

نور..ايه

اسماء..بقولك يالا عشان نروح

نور..يالا

ركبو العربيه اسماء ونور ونور كان باين عليها انها سرحانه وهي فعلا كاانت كدا كانت بتفكر في سامي وهو ليه هرب من سؤالها
قالت نور في دماغها سامي انت شكلك شايل هم كبير اوي ومش عايز حد يعرفه

اسماء..هو سامي كان قاعد بعيد عننا ليه النهارده

نور..مش عارفه والله

اسماء..انتوا مش اتصالحتوا

نور..اه

اسماء..امال في ايه

في نفس الاثناء كان سامي ماشي في الطريق وطلع محفظته وبص لصوره كان هو فيه هو واخوه واخته الصغيره وابوه وامه
ونزلت دمعه من عينين سامي
وطلع سامي بيته لينتهي اليوم التالت في الدراسه
رد مع اقتباس