ايس كريم 2011

هو عبارة عن 3 طبقات ندخل فى المفيد والمقادير الأول:

_ظرف دريم ويب(كريم شانتيه).
_كوب سكر بودرة.
_2كوب حليب .
_باكيت جيلى.
_3 حبات مانجو.
_فانيليا.
_5 باكو بسكوت تايجر.

الطريقة :
الاول خالص نعمل الجيلى زى مامكتوب على العلبة ونحطه فى التلاجة يمسك ياعة او ساعتين.
نحط الكريم شانتيه فى المضرب الكهربائى وعليه السكر واللبن والفانيليا ونضرب جيدااااااااااااااااا وبعد كدة نجيب طبق كبير ونحط الخليط بعد ضربه جيدا ونكسر عليه البسكوت ونقلبه ونحطه فى الفريزر لحد مايجمد وبعد مايجمد ونتاكد انه جمد نكون محضرين المانجو ونقشرها ونقطعها ونضربها فى المضرب مع اضافة قليل من الماء واضافة سكر بودرة حسب الحاجة .
نجيب الطبق اللى فيه الخليط المجمد والجيلى بعد مااتجمد نمرره على نار خفيفة ونحطه على الخليط اللى فات ونحط عليهم المانجو البيوريه اللى عملناها ونحطهم فى الفريزر ساعتين وبعد كدة بالهنا والشفا.
ملاحظة:لو لقيتى الايس كريم جامد طلعيه يسيح شوية قبل التقديم عشان ميبقاش فيه تلج .

أتمنى انه يعجبكم وجربوه بقى